بیست ساڵ پێش ئه‌مڕۆ بوو که‌ په‌ری ئیبراهیم بۆ یه‌که‌مین جار چووه‌ ناو شاری هه‌ڵه‌بجه‌وه‌ بۆ ئه‌وه‌ی له‌ ئه‌نجامی کاریگه‌رییه‌کانی هێرشی کیمیاویی سه‌دام بۆ سه‌ر هه‌ڵه‌بجه‌ بگات. بیست ساڵ له‌مه‌وبه‌ر بوو که‌ نزیکترین و چاکترین هاوڕێی خۆی ناشت و کلاشنیکۆفه‌که‌ی هه‌ڵگرت و به‌ره‌و خۆرئاوا ڕۆیشت. کوردی، به‌ فیلمگرتن بۆ ماوه‌ی پێنج ساڵ، چیرۆکی پیاوێکمان بۆ ده‌گێڕێته‌وه‌ که‌ به‌ دوای دۆزینه‌وه‌ی خۆی و ده‌مانچه‌که‌ی و وڵاتێکی نه‌بوودا ده‌گه‌ڕێت.

شاواکس کۆمه‌ڵگایه‌کی ڕه‌وه‌نده‌ له‌ کوردستان. زستانان له‌ خانووی به‌ردین له‌ گوندێکدا ده‌ژین و به‌هاران، دوای ئه‌وه‌ی کاریله‌کانیان له‌ دایک ده‌بن، له‌گه‌ڵ خۆیان ده‌یانبه‌ن و بۆ له‌وه‌ڕاندنیان ڕوو له‌ کوێستانه‌کان ده‌که‌ن. خۆیان و ڕانه‌مه‌ڕ و بزنه‌کانیان، پێکه‌وه‌ له‌گه‌ڵ سه‌گه‌ل و وڵاغه‌به‌رزه‌کانیان ده‌خرێنه‌ لۆریی بارهه‌ڵگره‌وه که‌ به‌ کرێ گیراون‌ و له‌ بناری چیاکاندا هه‌ڵده‌ڕێژرێن. کازم ئۆز بۆ ماوه‌ی ساڵێک له‌گه‌ڵ شاواکس بووه‌ و ئه‌م دۆکیومێنته‌رییه‌ له‌ نزیکه‌وه‌ ڕۆشنایی ده‌خاته‌ سه‌ر گرووپێک مرۆڤ که‌ ناچارن به‌وه‌ی زۆر به‌ زه‌حمه‌تی کار بکه‌ن، بۆ ئه‌وه‌ی بتوانن بژێوییه‌کی که‌م بۆ خۆیان دابین بکه‌ن.

ڕێژیمی عیراق، له‌ هه‌وڵێکی زیره‌کانه‌دا، له‌یلا قاسم و چوار له‌ هاوڕێ چالاکه‌ سیاسییه‌کانی که‌ خه‌ریکی کاری نهێنین ده‌گرێت. دوابه‌دوای گرتنیشیان، هه‌ر پێنجیان له‌ لایه‌ن ڕێژیمی سه‌دام حسێنه‌وه‌ ده‌کوژرێن و له‌یلا قاسم ده‌بێت به‌ یه‌که‌مین کچێک که‌ به‌ ڕه‌سمی له‌ خۆرهه‌ڵاتی ناویندا سزای مه‌رگی به‌سه‌ردا ده‌درێت. له‌یلا قاسم ئێستا وه‌ک شه‌هیدێکی نه‌ته‌وه‌ییه‌ لای کوردان و به‌رده‌وام سه‌رچاوه‌ی به‌هره‌به‌خشی نه‌وه‌کانه‌. ئه‌م دۆکیومێنته‌رییه‌ له‌سه‌ر شاهیدی و قسه‌ی ئه‌و که‌سانه‌ هه‌ڵچنراوه‌ که‌ له‌یلایان ناسیوه‌.

چۆن هه‌ست ده‌که‌یت ئه‌گه‌ر ژیانی ئه‌و تاکه‌ جێگایه‌ی که‌ تۆ به‌ ماڵی خۆتی ده‌زانیت بکه‌وێته‌ به‌ر هه‌ڕه‌شه‌وه‌؟ تورکیا بۆ ماوه‌یه‌کی دوورودرێژ هه‌وڵی داوه‌ پرۆژی به‌نداوی (ئیلس) که‌ جێی مشتومڕ و کێشه‌کی زۆره‌، شاری مێژوویی کوردیی حه‌سه‌نکێف و ناوچه‌کانی ده‌وروبه‌ری بکات به‌ ژێر ئاوه‌وه‌. ئه‌وه‌ ئه‌و به‌نداوه‌ دروست بکرێت، ده‌بێت به‌ مایه‌ی ڕوودانی کاره‌ساتی کۆمه‌ڵایه‌تی و ژینگه‌یی و ئابووری بۆ ناوچه‌که‌ و هه‌روه‌ها ده‌بیت به‌ هۆی ده‌رپه‌ڕاندنی 78 هه‌زار که‌س له‌ جێوڕێی خۆیان. هه‌وڵی تورکیا بۆ وه‌رگرتنی (ئێکسپۆرت کرێدیت) بۆ پرۆژه‌که‌ دوو جاران به‌ هۆی هه‌وڵ و کۆششی ناوه‌وه‌ و نێونه‌ته‌وه‌ییه‌وه‌ سه‌ری نه‌گرتووه‌. ئه‌م دۆکیومێنته‌رییه‌ له‌سه‌ر چاوپێکه‌وتن و گفتوگۆکردن له‌گه‌ڵ خه‌ڵکی ناوچه‌که‌ و هه‌روه‌ها کۆمپانیاکانی خانووبه‌ره‌و و هیی تر که‌ ده‌ستیان له‌ پرۆژه‌که‌دا هه‌یه‌، هه‌ڵچنراوه‌.

نه‌وه‌یه‌کی ون چیرۆکی گوندنشینانی گوندێکی کوردستان ده‌گێڕێته‌وه‌ که‌ له‌ هه‌شتاکاندا وێرانه‌ بووه‌. گوندنشینه‌کان، دوای ڕاپه‌ڕینی 1991 له‌ کوردستانی عیراق، ده‌گه‌ڕێنه‌وه‌ بۆ گونده‌که‌ی خۆیان، به‌ڵام ده‌بینن که‌ ناوچه‌که‌یان به‌ مین داپۆشراوه‌ و کار ده‌که‌ن بۆ ئه‌وه‌ی گونده‌که‌یان له‌ مین پاک بکه‌نه‌وه‌ و بیانفرۆشن، به‌ڵام مین به‌ 15 پیاویاندا ده‌ته‌قێته‌وه‌ و ده‌یانکوژێت و ده‌ستوقاچی زۆریشیان ده‌په‌ڕێت.