ئه‌مه‌ چیرۆکی په‌یمانی مناڵی مناڵێکه‌ که‌ به‌ نه‌نکی خۆی داوه‌ که‌ سه‌ردانی بکات پێش ئه‌وه‌ی نه‌نکی بمرێت. په‌نابه‌ری کورد سیروان نامۆ له‌ نیوزێلانده‌وه‌ بۆ عیراق، له‌ ڕێگای لوبنان و سوریاوه‌ ده‌گه‌ڕێته‌وه‌ بۆ ئه‌وه‌ی بارودۆخی په‌نابه‌رانی تر که‌ قوربانیانی جه‌نگن له‌ هه‌موو جیهاندا، ببینێت. ئه‌مه‌ چیرۆکی پیاوێکه‌ که‌ به‌ دوای ڕابوردووی خۆی و گه‌له‌که‌یدا، که‌ به‌ دوای هه‌ستی ئه‌وان بۆ شوێن و حه‌قیقه‌تدا سه‌باره‌ت به‌ قڕکردنی کوردان، ده‌گه‌ڕێت.

ئه‌م فیلمه‌ له‌ تراژیدیای هه‌ڵه‌بجه‌ و ئه‌و ڕێگایه‌ ده‌کۆڵێته‌وه‌ که‌ له‌ لایه‌ن خه‌ڵکه‌وه‌ بۆ خۆڕزگارکردن له‌و تراژیدیایه‌ به‌ کار هێنرا.

ئاغای ڕه‌حیمی، که‌ هه‌ر له‌ منداڵییه‌وه‌ به‌ هۆی نه‌خۆشیی ئاوڵه‌وه‌ کوێر بووه‌، له‌نێو گونده‌کانی ئێراندا ده‌ژی و هه‌ر له‌وێش ئاگای له‌ دایکه خه‌ڵه‌فاوه‌‌ پیره‌که‌یه‌تی و ده‌رمانی بۆ ده‌کڕێت و ڕۆژانه‌ سه‌ردانی ده‌کات. ئه‌و خانووه‌که‌ی خۆی به‌ ده‌ستی خۆی دروست کردووه‌ و ژیانی ڕۆژانه‌ی به‌ چاککردنه‌وه‌ی ته‌سجیل و ئاگاداریی په‌له‌وه‌ری ماڵ و کێڵگه‌یه‌کی به‌رهه‌مهێنانی شیره‌وه‌ به‌ سه‌ر ده‌بات. ئه‌مه‌ پۆرترێتێکی شاعیرانه‌ی ژیانێکی بێ هه‌ڵه‌وپه‌ڵه‌یه‌.

هه‌وڵ و ته‌قه‌لای خێزانێک له‌ پرۆسه‌ی ئه‌فراندنی به‌رهه‌مێکی هونه‌ریی له‌ قوڕ.

ساڵ 1988ه‌ و ڕێژیمی عیراق و سه‌دام حسێن له‌ دواهه‌وڵیاندا بۆ به‌ته‌واوی کۆتاییهێنان به‌ به‌رگریی کوردان په‌نا ده‌به‌نه‌ به‌ر هێرشی "ئه‌نفال"ی نه‌ته‌وه‌قڕکه‌ر و که‌ تێیدا سه‌دان هه‌زار که‌س ده‌کوژرێن. ئه‌وانه‌یش که‌ ده‌مێننه‌وه‌ ده‌خرێنه‌ چه‌ند ئۆردووگایه‌که‌وه‌. صمود یه‌کێک له‌و ئۆردووگایانه‌ بوو.

عه‌بدولواحید ئیسماعیلپوور له‌ پۆلی حه‌وته‌مه‌. که‌ له‌ پۆلی یه‌که‌م بوو، کاتێک له‌ناو کێڵگه‌یه‌کی (مین)دا یاری ده‌کرد، چاوه‌کانی کوێر بوون و هه‌ردوو ده‌ستیشی له‌ ده‌ست دا. ئه‌گه‌رچی ده‌یشیویست له‌سه‌ر خوێندن به‌رده‌وام بێت، به‌ڵام خوێندنگه‌یه‌ک بۆ که‌مئه‌ندامان نه‌یویست وه‌ک خوێندکارێک قه‌بووڵی بکات. له‌بریی ئه‌وه‌ خۆی، به‌ هۆی لێوه‌کانیه‌وه‌، خۆی فێری خوێندنه‌وه‌ی نووسینی برایل کرد. ئه‌مه‌ چیرۆکێکی نائاسایی و له‌ئه‌ندازه‌به‌ده‌ری به‌رده‌وامیدانه‌ به‌ ژیان.