ئه‌م فیلمه‌ چیرۆکی داریۆ سیلڤا ده‌گێڕێته‌وه‌. سیلڤا پێشتر یه‌کێک له‌ باشترین یاریزانه‌کانی فوتبۆڵێن بووه‌ له‌ ئۆروگوای. سیلڤا دوای کاره‌ساتێکی تراژیدیی ئۆتۆمۆبیل ده‌ژی، به‌ڵام قاچه‌کانی له‌ ده‌ست ده‌دات. ئه‌مه‌ چیرۆکی پیاوێکه‌ که‌ هه‌موو شتێکی له‌ ده‌ست داوه‌ که‌ پێشووتر له‌ پێناویدا خه‌بات و کۆششی کردووه‌، به‌ڵام له‌گه‌ڵ واقعی ئێستاشیدا هه‌ڵده‌کات و شێوه‌ ده‌دۆزێته‌وه‌ بۆ ئه‌وه‌ی به‌ ئه‌رێنییه‌وه‌ له‌ ژیاندا بمێنێته‌وه‌.

ئه‌م دۆکیومێنته‌رییه‌ دوای ژیانی کوڕێکی گه‌نج ده‌که‌وێت که‌ نه‌مام ده‌فرۆشێت کاتێک دێته‌ نێو شارێکی وشکوبرنگ و بێ دارودره‌خته‌وه‌. چونکه‌ نایشتوانێت کڕیار بۆ نه‌مامه‌کانی بدۆزێته‌وه‌، ڕووبه‌ڕووی کاردانه‌وه‌ی سه‌یر و سه‌مه‌ره‌ ده‌بێته‌وه‌ له‌ لایه‌ن دانیشتووانانی ئه‌و شاره‌وه‌.

خوان مارتینێز، نوێنه‌ری ڕێکخراوی خاچی سووری نێوده‌وڵه‌تی (IDRC ) و فیلمساز و ڕۆژنامه‌نووسی کورد؛ کارزان شه‌رابه‌یانی ده‌ڕۆن بۆ سودان، ئێلسڤادۆر، کۆنگۆ برازاڤیل و فیلیپین. ئه‌وان گفتوگۆ و چاوپێکه‌وتن له‌گه‌ڵ جه‌نگاوه‌رانی کێشه‌ چه‌کدارییه‌ نایاساییه‌کاندا ده‌که‌ن و له‌ باره‌ی تێگه‌یشتنی ئه‌وانه‌وه‌ سه‌باره‌ت به‌ په‌یماننامه‌ی ژنێف و به‌تایبه‌تیش له‌ باره‌ی یاسای مرۆڤانه‌ی نێونه‌ته‌وه‌ییه‌وه‌ لێیان ده‌پرسن.

ده‌رهێنه‌ری به‌ناوبانگی نه‌رویجی ئه‌نیا بێرێینه‌ به‌ره‌و خوارووی کوردستان (عیراق) ڕێ ده‌گرێته‌ به‌ر بۆ ئه‌وه‌ی ئه‌م فیلمه‌ دۆکیومێنته‌رییه‌ له‌سه‌ر یه‌زیدییه‌کان و بیروباوه‌ڕ و ئاهه‌نگه‌ ئایینییه‌کانیان ساز بکات، دوای ئه‌و ماڵوێرانکه‌رترین هێرشه‌ تیرۆریستییانه‌ی له‌ عیراق ئه‌نجام دران. فیلمه‌ دۆکیومێنته‌رییه‌که‌ی ئه‌نیا بێرێینه‌ یه‌کێک له‌ زانیاریبه‌خشترین سه‌رچاوه‌یه‌ که‌ له‌و به‌ هه‌ڵه‌ تێگه‌یشتنه‌ ده‌کۆڵێته‌وه‌ که‌ له‌ باره‌ی یه‌زیدییه‌کان و ئازار و ژانی ئه‌وانه‌وه‌ هه‌یه‌ به‌ ده‌ست ئه‌و ڕێژیمه‌ زاڵم و ئایینانه‌ی تره‌وه‌ که‌ له‌ ناوچه‌که‌دا هه‌ن.

ئێزیدییه‌کان، که‌ تا ئێستاش یه‌کێک له‌ کۆنترین ئایینه‌کانی میسۆپۆتامیایان به‌ زیندوویی هێشتۆته‌وه‌‌، له‌ پێناوی بیروباوه‌ڕه‌که‌ی خۆیاندا به‌ زۆر ئێش و ده‌رده‌سه‌ریدا ڕۆیشتوون. ئایینه‌که‌یان، که‌ به‌ هۆی پێوه‌ندی ڕاسته‌وخۆی به‌ سروشته‌وه‌ ئایینێکی سروشتی و ئاشتیخوازانه‌یه‌، هه‌روه‌ها باوه‌ڕیان به‌ ژیانێکی دوای ئه‌م ژیانه‌ی ئێستا هه‌یه‌ و هه‌ڵوه‌سته‌ی تایبه‌ت خۆیان به‌رانبه‌ر به‌ ژیان و مردن هه‌یه‌، ئێستا به‌ره‌و له‌ناوچوون ده‌ڕوات، به‌ تایبه‌ت دوای ئه‌وه‌ی که‌ ژماره‌یه‌کی زۆریان له‌ ساڵانی هه‌شتاکاندا کۆچیان کردووه‌ و ناوچه‌کانی خۆیان به‌جێهێشتووه‌. ئه‌م دۆکیومێنترییه‌ باسی ئه‌و ئێزیدییانه‌ ده‌کات که‌ له‌ نووسه‌یبین، که‌ شوێنێکه‌ و ده‌که‌وێته‌ نزیک شاری ماردینه‌وه، ده‌ژین‌. له‌م شوێنه‌دا ته‌نیا شه‌ش خانووی ئه‌وان ماوه‌ و ئه‌م گونده‌ دواگوندی ئێزیدییه‌کانه‌.