ئه‌مه‌ چیرۆكی ژنێكه‌ كه‌ ژیانی به‌گێرمه‌وكێشه‌ی هه‌یه‌. رۆژێكیان پێاوێك، كه‌ تێبینی خاڵه‌ لاوازه‌كانی ده‌كات، لێی نزیك ده‌بێته‌وه‌. ئه‌مه‌ش ده‌بێته‌ تاقیكردنه‌وه‌یه‌ك بۆ هه‌ردووكیان، خۆی ‌و مێرده‌كه‌ی.

چیرۆکی خێزانێکی کورده‌ که‌ له‌ چاوه‌ڕوانی ده‌رکردندان له‌ یه‌کێک له‌ وڵاته‌ ئه‌وروپاییه‌کان. باوکه‌که‌، له‌ کاتێکدا که‌ ژنه‌ سکپڕه‌که‌ی له‌ سه‌روبه‌ندی منداڵبووندایه‌، منداڵه‌کانی ناچار ده‌کات بچنه‌ سه‌ر جاده‌کان و سواڵی پاره‌ بکه‌ن. پۆلیس هه‌ڵده‌کوتێته‌ سه‌ر ئه‌و شوێنه‌ی لێی ده‌ژین، به‌ڵام یه‌کێک له‌ مناڵه‌کان له‌ ده‌ستیان ده‌رباز ده‌بێت. دواتر خێزانه‌که‌ به‌ یه‌کتر ده‌گه‌نه‌وه‌، به‌ڵام تراژیدییه‌که‌ هی به‌دواداچوونه‌.

په‌ری، دایکێکی گه‌نجی ته‌نیایه‌ و ڕقی له‌ بژیوییه‌که‌ی خۆیه‌تی چونکه‌ په‌یداکردنی نان بۆ بژێویی خێزانه‌که‌ی ناچاری ده‌کات که‌ له‌ 60 سه‌عات زیاتر له‌ هه‌فته‌یه‌کدا به‌رانبه‌ر به‌ پاره‌یه‌کی که‌م کار بکات، هه‌ربۆیه‌ له‌گه‌ڵ خێزانه‌که‌یدا ده‌که‌وێته‌ شه‌ڕوهه‌را و له‌وه‌ش خراپتر. ئه‌م فیلمه‌ ئاوڕدانه‌وه‌یه‌که‌ له‌و خه‌بات و کۆششه‌ی که‌ ڕووبه‌ڕووی خێزانێکی په‌نابه‌ر ده‌بێته‌وه‌.

بوتیمار به‌شی یه‌که‌می، سێیه‌یه‌که‌، له‌باره‌ی دایک و کوڕێکه‌وه‌. چیرۆکی کوڕێکی گه‌نجه‌ که‌ له‌ شارێکدا ده‌ژی و ده‌بێت له‌ هه‌لومه‌رجێکی ناخۆش و سه‌ختدا دایکی به‌خێو بکات و ئاگای لێی بێت.

خێزانێکی کورد که‌ بووه‌ به‌ ژێر ژێرزه‌مینی خانووه‌ ڕووخاوه‌که‌یه‌وه‌ به‌ده‌م قیژه‌ و گریانه‌وه‌ هاوار له‌ تیپه‌ سه‌ربازییه‌کانی ئه‌مه‌ریکا ده‌کات یارمه‌تی بدات و ڕزگاری بکات. شه‌ڕ له‌ ده‌ره‌وه‌ به‌رده‌وامه‌ و بۆمبابارانه‌‌ و له‌م کاته‌ سه‌خته‌یشدا ئه‌وان هێشتا گرفته‌ بچکۆله‌کانی خۆیان هه‌ر ماوه‌.

پیاوێك گومانی خیانه‌تكردنی هاوسه‌رێتی له ‌ژنه‌كه‌ی ده‌كات هه‌ربۆیه‌ په‌یوه‌ندیی نێوانیان ده‌كه‌وێته‌ ناخۆشییه‌وه‌. ژنه‌كه‌ به ‌بێهووده‌ هه‌وڵده‌دات كه‌ قه‌ناعه‌ت به‌مێرده‌كه‌ی بكات كه‌ هه‌ڵه‌یه‌ له ‌بیركردنه‌وه‌یدا، به‌ڵام پێده‌چێت پیاوه‌كه‌ بڕیاری خۆیدابێت كه‌ لێی دووربكه‌وێته‌وه‌.

ئه‌م فیلمه‌ نیگاری ئه‌و ته‌نگوچه‌ڵه‌مه‌ی مرۆڤی مۆدێرن ده‌کێشێت که‌ به‌ ده‌ست ژیانی پڕ له‌ هه‌راوزه‌نای شاره‌وه‌ تووشی نیگه‌رانی و خه‌مۆکی بووه‌. فیلمه‌که‌ باسی ئه‌وه‌ ده‌کات که‌ مرۆڤ، کاتێک ژیانی لێ زه‌وت ده‌کرێت، چۆن هه‌وڵ ده‌دات له‌سه‌ر ژیان به‌رده‌وام بێت و بژی.