كوڕ و كچێكی گه‌نج بڕیار ده‌ده‌ن كه‌ گفتوگۆ له‌گه‌ڵ‌ خێزانه‌كانیاندا بكه‌ن بۆ چاره‌سه‌ركردنی دوژمنایه‌تییه‌كی كۆن له ‌نێوانیاندا. ئایا سه‌ركه‌وتوو ده‌بن له‌و كاره‌یاندا؟

پیاوێکی سه‌ره‌تایی به‌ره‌وپێش به‌ره‌و جیهانه‌ دژواره‌که‌ی خۆی هه‌نگاو ده‌نێت و له‌ ڕێدا به‌ که‌سێک ده‌گات که‌ کتومت له‌ خۆی ده‌چێت، ئیتر په‌لاماری وێنه‌که‌ ده‌دات و به‌ردێکی تێ ده‌گرێت. ئاوێنه‌که‌ ده‌شکێت و دنیایه‌کی نوێی به‌ ڕوودا ده‌کرێته‌وه‌.

ده‌وترێت هه‌ندێك كه‌س به‌دبه‌ختن چونكه‌ ئه‌مه‌ چاره‌نووسیانه ‌‌و ده‌وترێت هه‌ندێك كه‌س دڵخۆشن چونكه‌ ئه‌مه‌ هی خۆیانه‌. ئه‌مه‌ فیلمێكه‌ له‌سه‌ر بنه‌مای گفتوگۆیه‌كی سه‌رنجڕاكێشی نێوان دوو كه‌سدا سه‌رچاوه‌ی گرتووه‌.

سه‌رداری گه‌نج، له‌ ڕۆژێکی ڕووناکی هاوینیدا له‌ زیندان ئازاد ده‌کرێت. مام و ئامۆزاکانی دێن له‌گه‌ڵ خۆیاندا بیبه‌نه‌وه‌، به‌ڵام توندی و گرژییه‌ک له‌نێوانیاندا هه‌یه‌. مامی سه‌ردار، له‌به‌ر ئه‌وه‌ی باوکی سه‌ردار ده‌مێکه‌ مردووه‌، جڵه‌وی بنه‌ماڵه‌که‌ی که‌وتووه‌ته‌ ده‌ست و سه‌ردار ناچار ده‌کات به‌ بیانووی پاراستنی شه‌ره‌فی بنه‌ماڵه‌که‌یانه‌وه‌، تاوانێکی ترسناک ئه‌نجام بدات. سه‌ردار له‌گه‌ڵ تێپه‌ڕبوونی ڕۆژه‌که‌دا هه‌ڵسوکه‌وتی خۆی ده‌خاته‌ ژێر پرس و لێکۆڵینه‌وه‌وه‌.

"له‌گه‌ڵ کاتدا" باسی ژنێکی گه‌نج ده‌کات که‌ ڕووبه‌ڕووی بوونه‌وه‌رێک له‌ مه‌ودایه‌کی (له‌ ڕه‌نگوڕوویه‌کی) تردا ده‌بێته‌وه‌. سێ فرسه‌تی (شانسی) ده‌درێتێ بۆ ئه‌وه‌ی جیهان بگۆڕێت، به‌ڵام ئه‌و ده‌بێت له‌ پێشدا به‌سه‌ر ترسه‌که‌ی خۆیدا زاڵ ببێت.

ئه‌م كورته‌ چیرۆكه‌ نیشانمان ده‌دات كه‌ چۆن هه‌ندێكجار ده‌كرێت ئه‌م جیهانه‌ ببێته‌ شوێنێكی زۆر تاریك.

ئه‌م فیلمه‌ ده‌رباره‌ی ئه‌ندازیارێكه‌ كه‌ گرفته‌كانی له ژیاندا ده‌گۆڕدرێن بۆ (كابوس). پێویسته‌ به‌دوای چاره‌سه‌ردا بگه‌ڕێت بۆ گۆڕان.